Guddoomiyaha cusub ee Gobolka Banaadir ahna Duqa Muqdisho Cumar Maxamuud Maxamed (Cumar Fillish) ayaa caawa booqday Qoyska Marxuum Eng. Yariisow.
Cumar Fillish ayaa mar kale uga tacsiyadeeyay geerida marxuumka, isagoo xusay inuu ahaa nin dalka iyo dadka u khidmeeyay, waajibkiisa isagoo gudanayana u geeriyooday.
Waxaa uu tilmaamay in la xusuusan doono kaalintiisa kaga aadaneyd horumarinta iyo u adeeggida dadka ku nool caasimadda Muqdisho.
Ugaas Maxamuud Cali Ugaas, Xildhibaan C/qaadir Carabow iyo xubno kale ayaa guddoomiyaha gobolka Banaadir ku wehliyey booqashadan.
Guddoomiyaha cusub ee Gobolka Banaadir ahna Duqa Muqdisho Cumar Maxamuud Maxamed (Cumar Fillish) ayaa maalmaha soo socda si buuxda ula wareegaya xilka, iyadoo lahga sugayo inuu la yimaado waxqabad, halkoodana ka sii ambaqaado howlihii qabyada ahaa ee uu ka tagay marxuum Ing. Yariisow.
Xafiiska Shabakada Allbanaadir.com
Muqdisho Somalia
Allbanaadir@live.com
