Madaxweynaha Dowlad Goboleedka Jubbaland Mudane Axmed Maxamed Islaam ayaa xalay qasriga Madaxtooyada ku qaabilay Sheekh Maxamed Ibraahim Shakuul iyo Cabdiqaadir Cabdirahmaan Khaliif oo kamid ah Siyaasiyiinta ka soo horjeeday Madaxweynaha Xiligii Doorashooyinka.
Axmed Madoobe ayaa xubnahan ka dhagaystay aragtidooda la xiriirta sidii horay loogu sii socon lahaa loona ilaalin lahaa Midnimada iyo nabadgalyada dalka.
Madaxweynahu wuxuu balanqaaday inuu albaabada u furayo dhamaan dadka reer Jubbaland oo uu u istaagayo sidii uu u hogaamin lahaa Jubbaland Mid ah oo dhamaan dadku ay iska dhex Arkaan wadatashi iyo Midnimana ay sal u tahay.
Sheekh Maxamed Ibraahim Shakuul oo kamid ahaa xubnaha uu la kulmay Axmed Madoobe ayaa maanta sheegay inuu u tanaasulay danta shacabka Jubbaland isla markana waxaa uu sheegay inuu u istaagay dib u heshiisiinta iyo Midnimada Reer Jubbaland.
Xafiiska Shabakada Allbanaadir.com
Muqdisho Somalia
Allbanaadir@live.com
