Baarlamaanka maamulka Jubbaland ayaa maanta sidii la filayay Madaxweyne u doortay Axmed Maxamed Islaam (Axmed Madoobe) oo isagu hormuud u ahaa qaban qaabada iyo maamulida doorashada uu kusoo baxay.
Axmed Madoobe ayaa helay 56-cod , waxa uuna si buuxda ugu guuleestay doorashada shakiga la galinayo hufnaanteeda , waxaana doorashada kadib Axmed Madoobe loo dhaariyay in mudo 4-sano ah hogaamiyo maamulka Jubbaland.
Doorashada ka dhacday magaalada Kismaayo ayaa waxaan goobjoog ka aheyn Dowlada federaalka Soomaalia iyo Wakiilada Beesha Caalamka, waxaana kaliya doorashada goobjoog ka ahaa Xildhibaano katirsan labada Aqal oo mucaarad ku ah dowlada Dhaxe.
Dowlada federaalka ayaa horey u cadeesay in aysan aqoonsan doonin natiijada kasoo baxda doorashada Jubbaland, waxa ayna dowlada ku baaqday in la qabto doorasho xur iyo xalaal ah ay raali ka yihiin dadka reer Jubbaland.
