Musharraxiinta mucaaradka ee Jubbaland ayaa magacaabay guddiga doorashada Madaxweynaha, iyagoo sheegay inay dooran doonaan madaxweyne Khamiista nagu soo aadan.
Xildhibaan C/rashiid Maxamed Xidig oo ka mid ah Musharaxiinta mucaaradka ayaa ugu baaqay Axmed Madoobe inuu qudhiisa iska soo diiwaan geliyo Guddigan, ayna u furany tahay.
Musharaxiinta Madaxweyne ee mucaaradka Jubbaland ayaa maalinta berito ah khudbadaha ka hor jeedin doona Baarlamaankii ay dhawaan soo magacaabeen.
Hadalka mucaaradka ayaa imaanaya xilli guddiga doorashooyinka Jubbaland ay shaaca ka qaadeen in Khamiista ay dhici doonto doorashada madaxweynaha.
Musharraxiinta mucaaradka ayaa ka biyo diidsan geeddi u socodka doorashada Jubbaland, waxaa ay dhawaan soo magacaabeen waxa ay ugu yeereen ‘Baarlamaanka labaad ee Jubaland’.
Dhawaan ayay aheyd markii wakiilka Qaramada Midoobay ee Soomaaliya, James Swan uu Guddiga madaxa banaan ee doorashooyinka Jubbaland ka codsaday in ay fuliyaan dhammaan qodobadii ay ka dalbadeen beesha caalamka, isagoo digniin ku bixiyey hadii aan la fulin ineysan aqoonsan doonin natiijo kasta oo ka soo baxda doorashada Jubbaland.
Xafiiska Shabakada Allbanaadir.com
Muqdisho Somalia
Allbanaadir@live.com
