Waxaa dib u dhis ka socdaa garoonka Stadium Muqdisho oo mudo sanado badan bur bursanaa sidoo kale soo noqday xeryo ciidan ay degaan Ciidankii Itoobiyaanka iyo sidoo kale Ciidamada AMISOM.
Garoonka oo dib loogu soo celiyay gacanta dowlada federaalka Soomaaliya ayaa lagu bilaabay dib u dhis xoogan, waxaana la filayaa in garoonka dib loogu bilaabo ciyaarihii kala duwanaa ee lagu qaban jiray marka uu dhismaha soo dhamaado.
Masuuliyiin katirsan maamulka gobolka Banaadir ayaa maanta kormeer ay ugu kuur galayeen dhismaha ka socda Garoonka ku tagay, waxa ayna dib u dhiska garoonka ka wareesteen injineerada gacanta ku haya dib u dhiska garoonka Stadium Muqdisho
Garoonka Muqdisho Stadium ayaa ah garoonka ugu weyn Soomaaliya, waxaana garoonkan oo qeybo badan ka kooban la filayaa in sanado badan kadib dib loogu ciyaaro ciyaarihii kala duwanaa ee lagu qaban jiray xiligii dowladii Dhaxe .
Xafiiska Shabakada Allbanaadir.com
Muqdisho-Somalia
Allbanaadir@live.com
