Dagaalyahano aad u hubeesan oo katirsan AL Shabaab ayaa xalay weerar culus ku qaaday fariisimo ay ciidanka kumaandooska Soomaaliya ee Danab ka sameesteen degmada Owdheegle gobolka Shabeelaha Hoose .
Dadka deegaanka ayaa ku waramay in xalay maqlayeen jugta hubka culus iyo rasas ay labada dhinac is dhaafsanayeen, walina si rasmi ah looma oga khasaaraha dagaalkan kasoo gaaray labada dhinac iyo waliba dadka shacabka ah.
Saraakiil katirsan ciidanka Kumaandooska Soomaaliya ee Danab ayaa sheegay in ay iska difaaceen weerar xalay Al Shabaab kusoo qaadeen fariisimo ay ka sameesteen degmada Owdheegle ay dhawaan kala wareegeen Al Shabaab.
Waxa ay sheegeen saraakiisha Danab in dagaalka xalay ka dhacay Degmada Owdheegle in Al Shabaab kaga dileen afar dagaalyahan sidoo kale kaga dhaawaceen shan kale, waxa ayna xuseen in weerarka Al Shabaab fashiliyeem.
Ciidamada Danab ayaa isbuucan weerar ay ku qaadeen degmada Owdheegle kala wareegeen kooxda Al Shabaab oo sanado badan gacanta ku heysay degmadaasi, waxa ayna ciidamada Danab horey ula wareegeen deegaanka Bariire.
Xafiiska Shabakada Allbanaadir.com
Muqdisho-Somalia
Allbanaadir@live.com
