Dhalinyaro biskoolado ku hubeesan ayaa goordhaw gudaha Suuqa Bakaaraha gaar ahaan Qeybta Cabdalla Shideeyaha loo yaqaan waxa ay ku dileen nin dhalinyaro ah.
Goobjoogayaal ayaa ku waramay in rag biskoolado hubeesan ay dhowr xabadood ku dhufteen nin dhalinyaro ah oo la sheegay in uu ku shaqeesanayay farsamada cilad bixinta moobeelada.
Dilka kadib ayaa la sheegay in goobta si nabad galyo ah uga baxsadeen dhalinyaradii dilkaasi geesatay, waxaana meydka ninka la dilay daqiiqado badan yaalay goobtii lagu dilay.
Ciidamo katirsan booliiska ayaa soo gaaray goobta uu dilku ka dhacay, ciidamada ayaana halkaasi ka qaaday meydka iyagoona sameeyay baaritaano kooban oo saameyn ku yeeshay ganacsigii Suuqa ka jiray.
Suuqa Bakaaraha ayaa waxaa ka dhaca dilal qorsheesan oo loo geesto dad isugu jira shacab iyo dad kale oo dowlada u shaqeeya, laamaha amaanka ayaana marar badan ku guul dareestay xaqiijinta amaanka Suuqa Bakaaraha .
Xafiiska Shabakada Allbanaadir.com
Muqdisho-Somalia
Allbanaadir@live.com
