Wasiirkii hore ee qorshaynta ee maamulka Puntland Shire Xaaji Faarax oo sidoo kale soo noqday Musharax Madaxweynaha Puntland ayaa saakay ka bad baaday qarax la doonayay in lagu dilo.
Qarax miino oo lagu aasay hareeraha laamiga ayaa lala eegtay gaari uu la socday Shire Xaaji Faarax , waxaana qaraxaasi uu ka dhacay wadada hor marta Hotelka Ramada ee Magaalada Boosaaso Xarunta Gobolka Bari.
Wasiirka ayaa ka bad baaday qaraxa miino ee lala eegtay, waxaana inta la xaqiijiyay qaraxaasi dhaawac uu kasoo gaaray askari kamid ahaa ilaalada Wasiirkii hore ee Qorsheynta ee maamulka Puntland.
Ciidamada booliiska ayaa howlgalo baaritaano ah kawada magaalada Boosaaso , mana jiro ilaa hada cid loo soo qabtay qaraxan miino ee saakay ka dhacay magaalada ganacsiga ee Boosaaso.
Xafiiska Shabakada Allbanaadir.com
Muqdisho-Somalia
Allbanaadir@live.com
