Waxaa saakay xiran qaar badan oo kamid ah wadooyinka magaalada Muqdisho, waxaana wadooyinkaasi lasoo dhigay ciidamo badan oo booliis ah oo amaanka magaalada xaqiijinaya.
Wadooyinka magaalada ayaa kaliya waxaa loo ogol yahay saakay baabuurta ay wataan masuuliyiinta dowlada katirsan iyo sidoo kale gaadiidka kala duwan ay wataan ciidamada qalabka sida .
Saacadaha soo aadan ayaana la filayaa in garoonka diyaaradaha Aadan Cadde ee magaalada Muqdisho laga soo dejiyo meydka Gudoomiyihii gobolka Banaadir Eng Cabdiraxmaan Yariisow oo dalka Qadar ugu geeriyooday dhaawac soo gaaray.
Madaxda dalka ugu sareysa iyo masuuliyiin kala duwan ayaa la filayaa in ay ka qeyb galaan aaska Qaran ee maanta magaalada Muqdisho loogu sameenayo Allaha u naxariistee Eng Yariisow oo lagu dilay qaraxii xarunta gobolka Banaadir ka dhacay.
Xafiiska Shabakada Allbanaadir.com
Muqdisho-Somalia
Allbanaadir@live.com
