Khasaaro isugu jira dhimasho iyo dhaawac ayaa kasoo gaaray shaqaalihii dhisayay Guri weyn oo laga dhisayay Ex Shineemo Ekwator ee Degmada Hodan kadib markii qeyb kamid ah dhismaha uu soo dumay.
Inta la xaqiijiyay sadex qof ayaa ku dhimatay lix kalana dhaawacyo kala duwan ayaa kasoo gaaray dhismaha kusoo dumay, waxaana jira baadi goob loogu jiro dad kale wali la la’yahay.
Sida aan Wararka ku helnay shaqaalaha muruq maalka ah ayaa mar qura waxaa kusoo dumay qeyb kamid ah guriga ay dhisayeen , waxaana la sheegay in goobta la dhisayay dhoor mitir hoos u qodneyd.
Wali lama oga waxa sababay dhismahan soo dumay, waxaana goobta uu dhismuhu kusoo dumay gaaray kooxaha gurmadka deg dega iyo shacab badan oo u gurmanayay dadkii uu dhismahan kusoo dumay.
Xafiiska Shabakada Allbanaadir.com
Muqdisho Somalia
Allbanaadir@live.com
