Allbanaadir.com
NEWS

Diyaarado Dagaal oo duqeyn culus ka fuliyay Duleedka Ceelbuur

Dayuurado dagaal ayaa la soo sheegayaa iney caawa duqeeyeen gaadiid loo malaynayo iney la socdeen Saraakiil ka tirsan Al-Shabaab oo marayey meel u dhexeysa degmada Ceelbuur iyo degaanka Dac ee gobolka Galgaduud.

Sida wararku nagu soo gaarayaan dayuuradaha ayaa afar gantaal la helay labada gaari oo halkaas ku gubtay, waxaana ku dhintay dadkii la socday oo tiradooda rasmiga ah aan la ogeyn.

Goob joogayaal ku sugan tuulooyin ku dhow goobta uu weerarkan ka dhacay ayaa sheegaya in duqeynta ka dib ay halkaas ku soo dageen ciidamo la socday dayuuradaha qumaatiga u kaca, iyagoo shiday nalal waaweyn.

Sidoo kale goobta uu weerarkan ka dhacay agagaarkeeda ayaa waxaa laga maqlayaa guuxa dayuurado weli dul wareegaya.

Lama oga illaa hadda Saraakiisha Al-shabaab ee la socday gaadiidkan la duqeeyey balse dadku nool tuulooyinka hareeraha ka xiga goobta duqeyntan ay ka dhacday ayaa sheegay iney soo wajahay cabsi aad u xoogan iyo khal khal, iyagoo ka walaacsan inuu saameeyo howlgalka halkaas ka socda.

Weli dowlad sheegatay iney dambeysay weerarkan ma jirto inkastoo Ciidamada Maraykanka ay sheegtaan inta badan duqeymaha noocan ah ee ka dhaca meelo ka mid ah Somalia, sidoo kale Al-shabaab iyo dowlada Soomaaliya midkoodna weli kama hadlin weerarkan.

Wixii ka soo kordha duqeyntan kala soco boggan saacadaha soo socda insha ALLAAH

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Qaar kamid ah Ku-simayaasha Wasiirada oo awooda laga qaaday iyo Sababta keentay !!

Cabdi Cade

Mareykanka iyo UK oo iska kaashanaya wax ka qabashada arrin ka taagan Somalia

Caydiid Ali

Xog ku aadan Waxii ay kawada Hadleen Musharax Kheyre iyo Madaxweyne Qoor Qoor

Cabdi Cade