Kooxo burcad hubeesan oo iska soo dhigay booliis ayaa dhac xoogan ka geestay garoon diyaaradeed oo kuyaala magaalada São Paulo ee dalka Brazil.
Burcadan ayaa xirtay dareeska ciidanka booliiska waxa ay sidoo kale wateen gaadiid lagu buufiyay astaanta booliiska , waxa ayna dhac ka geesteen garoonka diyaaradaha Guarulho ee magaalada São Paulo .
Afhayeen u hadlay maamulka garoonka diyaaradaha Guarulho ayaa sheegay in burcada hubeesan ee garoonka soo galay dhaceen 750 Kiilo oo dahab ah oo lagu qiimeeyay lacag gaareysa 30 Milyan oo doolar.
Burcada booliiska iska dhigay ayaa qafaashay labo ruux oo kamid ahaa shaqaalaha garoonka ay adeegsanayeen intii ay dhaca wadeen, mana jirin wax khasaaro ah oo ka dhashay dhaca burcada geesteen.
Dahabkan burcada hubeesan ka dhaceen garoonka diyaaradaha Guarulho ayaa waxaa loo waday magaalooyinka New York iyo Zurich, waxaana booliiska Brazil wadaan baaritaano ay ku raadinayana buracad booliiska iska soo dhigay.
Xafiiska Shabakada Allbanaadir.com
Muqdisho-Somalia
Allbanaadir@live.com
