Askari dhalinyaro ah oo ka tirsan ciidammada cirka ee dalka Nigeria ayaa qaaday talaabo dad badan soo jiidatay , kadib markii uu askarigan dib u celiyay boorso ay lacag badan ku jirtay uu helay.
Cumar Bashiir oo kamid ahaa ciidamo la geeyay garoonka Diyaaradaha ee magaalada Kanu ayaa xili uu roondo ku jiray helay lacag gaareyso 41,500 oo doolar, waxa uuna Cumar durba lacagtaasi geeyay goob amaan ah isagoona u celiyay dadkii lahaa ay ka dhuntay.
Askarigan helay lacagta aadka u badan ayaa raadiyay dadkii lahaa dibna ugu celiyay, waxaana arintaasi ka mahad celiyay dadkii uu lacagta u celiyay , waxaa sidoo kale talaabadan uu qaaday askariga amaanay saraakiisha ciidanka uu katirsanaa.
Sargaal katirsan ciidamada Cirka ee dalka Nageria ayaa sheegay in Cumar Bashiir lagu abaal marin doono ficilka wanaagsan uu sameeyay, waxa uuna askarta kale kula taliyay in ay ku daydaan askarigan daacada ah.
Sanadkii hore ayaa abaal marin ay ku farxaan la siiyay labo askari oo katirsanaa shaqaalaha garoonka diyaaradaha magaalada Lagos ee dalka Nageria kadib markii ay dib u celiyeen lacag badan ay ka dhax heleen garoonka.
Xafiiska Shabakada Allbanaadir.com
Muqdisho-Somalia
Allbanaadir@live.com
