Shirkadaha Diyaaradaha ee British Airways iyo Lufthansa ee laga leeyahay dalalka Britain iyo Jarmalka ayaa hakiyay duulimaadyadii ay ku tagi jireen magaalada Qaahira iyo magaalooyin kale oo katirsan dalka Masar.
War ay soo saareen Shirkadahan ayey ku sheegeen in si KMG ah u hakiyeen duulimaadyadii ay ku tagi jireen dalka Masar, waxa ayna sheegeen shirkadaha in ay jiraan walaac dhinaca amniga oo dalkaasi ka jira.
Shirkadda diyaaradaha dalka Germany ee Lufthansa ayaa shalay oo Axad ah joojisay duulimaad ay ku tagi laheyd magaalada Qaahira, waxaana maamulka shirkadaasi go’aankaasi ku sababeeyeen feejignaan dhinaca amniga ah.
Go’aanka ay shirkada Lufthansa  ku hakisay duulimaadyadeedii dalka Masar ayaa saamayn xoogan ku yeeshay Rakaab aad u badan oo ay u qorshaysnayd inay diyaaradaasi u raacaan Qaahira.
Shirkadaha diyaaradaha ee British Airways iyo  Lufthansa ayaa go’aanka ay ku joojiyeen duulimaadyadii ay ku tagi jireen dalka Masar ku timid walaac dhinaca amniga ah oo isa soo tarayay.
Dawladda Britain ayaa hore uga digtay socdaalka ay dadka british ka ahi ku tagaan magaalada Sharma-Sheikh ee dalxiiska loo tago dalka Masar, iyadoo sheegay inuu jiro walaac laga qabo falal amniga halis galin kara.
Xafiiska Shabakada Allbanaadir.com
Muqdisho-Somalia
Allbanaadir@live.com
