Waxaa maanta magaalada Muqdisho ka dhacay kulan balaaran oo lagu taageerayay dib u dhiska maamulka Galmudug iyo sidoo kale dadaalada uu Ra’isul Wasaare Kheyre ku doonayo in la helo Galmudug raali laga wada yahay.
Kulanka waxaa ka qeyb galay Siyaasiyiin ,Waxgarad, Culumaa’udiin, Dhalinyaro iyo Haween, waxa ayna dhamaan dadkii kulanka ka qeyb galay si weyn u taageereen in la helo Galmudug mideysan .
Halkan ka Akhriso War Murtiyeed gabo gabada kulanka laga soo saaray
(Muqdisho 16ka July 2019: Bulsahda ku nool Magaalada Muqdisho oo ka kooban Culimaa’udiin, Odoyaasha Dhaqanka , Dhalinyaro, Siyaasiin , haween , Ururada Bulshada Rayidka ah iyo Ganacsato oo kulan ku yeeshay maanta magaalada Muqdisho waxa ay si buuxdo u taageerayaan Dadaalada dib u dhiska ah ee dowladda Federaalka Soomaliya ay ka waddo Galmudug , kuwaas uu Hoggaaminayo Ra’iisulwasaaraha Xukuuamdda Soomaaliya Mudane Hassan Cali Kheyre
Dhammaan qeybaha kala duwan ee Bulshada soomaaliyeed ee maanta ku kulmay muqdisho waxa ay ku boorinayaan Xildhibaanada Galmudug ,Siyaasiinta Galmudug, Ganacsatada Galmudug, odoyaasha dhaqanka Galmudug , Haweeynka Galmudug, Dhalinyarada Galmudug iyo cid walba oo ka damqaneeysa kala qeeybsanaanta Galmudug in ay ku gacan siiyaan xukuumadda Soomaaliya dadaalada lagu dhisayo “Galmudug mid ah”.
Haddaba si loo helo Galmudug ku dhisan sinnaan iyo caddaalad waxaan ku baaqeeynaa :
- In lagu garab siiyo dowladda Federaalka Soomaaliya dadaalada dib u heshiisiinta ah ee ay haatan ka waddo Galmudug, taas oo horseedi karta in la helo isku duubnida bulshada Galmudug.
2-In la mideeyo awoodaha dhaqaale iyo kuwa siyaasadeed ee lagu doonayo in dib u heshiisiin rasmi ah looga dhaliyo Galmudug, annagoo bogaadinayna dadaalada Ra’iisulwasaaraha Xukuumadad Soomaaliya Mudane Xassan Cali Kheyre uu hadda ka wado Galmudug
3-Waxaan bogaadineynaa dadaalada Dowladda Federaalka Soomaaliya ee ku aadan sidii loo wada qancin lahaa bulshada wada degta Galmudug taas oo muujineysa in ay ka go’an tahay xukuuamdda “Galmudug mid ah”.
4-Waxaan dalbaneynaa ; “Galmudug mid ah” loo siman yahay oo aan sadbursi ku dhisneeyn taasoo sal looga dhigo isu tanaasul horseeda midnimo iyo wadajir waarta .
BALLANQAAD:
- Dhalinyarada , Siyaasiyiinta , odoyaasha dhaqanka, Culuma’udiinka , Ganacsatada iyo dhammaan dadkii ka soo qeybgalay Kulankan Muqdisho ka dhacay waxa ay ballan qaadayaan in Ra’iisulwasaaraha Xukuuamdda Soomaliya ay ku gacansiiyaan dib udhiska Galmudug
2-Dhalinyarada Muqdisho waxa ay soo dhoweynayaan , aadna u bogaadinayaan kaalinta muuqata ee uu Ra’iisulwasaaraha siiyay dhalinyarada soomaaliyeed ee ku nool Galmudug
3-Ugu dambeeyn waxaan ugu baaqeeynaa dhammaan xildhibaanada , Siyaasiyiinta , Ganacsatada iyo Culimada ka soo jeedda Galmudug in la’taageero dadaalada Xukuumadda Soomaaliya ay ka waddo Galmudug .
=Dhamaad=
Xafiiska Shabakada Allbanaadir.com
Muqdisho-Somalia
Allbanaadir@live.com
