Gudoomiyaha baarlamaanka Galmudug Cali Gacal Casir iyo xildhibaano maamulka Galmudug ah oo maalmahaan shirar hoose uga socdeen magaalada Muqdisho ayaa la filayaa in ay dhawaan gaaraan magaalada Cadaado.
Gudoomiyaha iyo xildhibaanada ayaa la sheegayaa in aysan la dhacsaneyn qaabka ay Xukuumada Soomaaliya u wajahday dibu heshiisiinta Galmudug iyo in aan la xallin cabashada deeganada qaar.
Masuuliyiin kasoo jeeda deegaanka Cadaado oo aan la xiriirnay ayaa noo xaqiijiyey in ku jiraan diyaar garowga soo dhaweynta gudoomiyaha Baarlamaanka maamulka Galmudug iyo wafdigiisa.
Sidoo kale gudoomiyaha ayaa ku jira masuuliyiinta ay laxawga badani kaga jiro midnimo iyo dibu heshiin waarta oo ka hana qaada Galmudug, waxa uuna Gudoomiyaha ku qanacsaneyn sida ay hada wax u socdaan.
Waxaa sidoo kale wararku sheegayaan inuu wafdiga Gudoomiyaha Baarlamaanka Galmudug marka ay gaaraan usii gudbi doono illaa magaalada Gaalkacyo si ay uga shaqeeyaan xalinta cabashada loona helo dib u heshiisiin sax ah.
Xafiiska Shabakada Allbanaadir.com
Muqdisho-Somalia
Allbanaadir@live.com
