Safiirka hore ee dalka Ingiriiska u fadhiyay magaalada Washington ayaa sheegay in sababtii uu Madaxweyne Trump uga baxay heshiiskii Niyukleerka Iran inay tahay, aargoosi siyaasadeed oo ka dhan madaxweynihi isaga xafiiska kaga horreeyay ee Barack Obama.
Sida laga soo xigtay jariirada Mail Sir Kim Darroch ayaa go’aanki Trump ku tilmaamay wax uu ugu yeeray “Kharbudaad Dipmaasiyadeed”
Wargeyska Mail ayaa qormadaan soo daabacay kaddib marki uu iska dhaga tiray digniin uga timid ciidamada sirdoonka oo amray inaanan la baahi karin qoraalada sirta ah ee uu safiirki hore ee Britian u fadhiyay Mareyaknka uga hadlayo Madaxweyne Trump.
Todobaadkii hore ayay aheyd marki uu wargeyskani shaaca ka qaaday qoraal sir ahaa, oo uu danjire Kim Darrch ku sheegay in maamulka madaxweyne Trump uu yahay mid fadhiid ah oo aanan isku kalsooneyn isla markaana aanan waxtar laheyn.
Arrintaas waxay ka careysiiyay madaxweyne Trump, iyadoo marki danbana kalliftay inuu xilka iska casilo danjire Kim Darrch.
Xafiiska Shabakada Allbanaadir.com
Muqdisho-Somalia
Allbanaadir@live.com
