Ciidamada booliiska Soomaaliya ayaa howlgal ay ka sameeyeen magaalada Muqdisho ku qabtay askari la sheegay in uu baxsad ahaa kuna dhuumanayay mudo badan guriga siyaasi caan ah oo kuyaala Muqdisho.
Gudoomiyaha gobolka Banaadir ahna Duqa Muqdisho Eng Cabdiraxmaan Cumar Yariisow ayaa sheegay in ciidamada amaanka qabteen askari baxsad ku jiray kuna dhuumanayay guriga siyaasi caan ah uusan magaciisa sheegin.
Duqa Muqdisho ayaa sidoo kale sheegay in ciidamada amaanka ku guuleesteen in ay soo xir xiraan maleeshiyaad uu sheegay in ay dhibaato ka wadeen Degmooyinka Hodan , Wadajir iyo Dharkeenley.
Ciidamada amaanka ayaa mudo baadi goob ugu jiray akariga baxsadka ahaa oo dilal iyo fal dambiyeedyo kale geestay, waxaana askariga la sheegay in uu ku dhuumanayay guriga Siyaasi caan ah oo kuyaala Waqooyiga Muqdisho uu gabaad ka dhigtay.
Xafiiska Shabakada Allbanaadir.com
Muqdisho-Somalia
Allbanaadir@live.com
