Warar goor dhow soo baxay ayaa sheegaya in dib loo dhigay shir jaraaid oo lagu waday inuu goor dhow Muqdisho ku qabto Wasiirka arrimaha dibeda Somalia Axmed Ciise Cawad.
Wasaaradda Arrimaha dibadda Soomaaliya ayaa isugu yeertay saaka suxufiyinta magaalada Muqdisho si ay uga soo qeyb galaan shir jaraaid oo ka dhici lahaa xarunta wasaarada 2:00 duhurnimo ee maanta.
Shirka jaraa’id ayaa la filayay inuu wasiir Cawad kaga hadlo xiriirka Kenya iyo Somalia arrimo ku soo kordhay iyo sidoo kale ooqashada Madaxweynaha Somaliland Muuse Biixi ku tegay dalka Gini iyo Maqaamka sare ee loo soo dhoweeyey.
Weriyeyaasha tegay xarunta Wasaarada arrimaha dibeda Somalia ayaa lagu wargeliyey inuu baaqday shirkii jaraa’id lama sheegin sababta keentay, balse wararka qaar ayaa sheegaya in amar ka soo baxay madaxtooyada Somalia uu sababay in shirkaas dib loo dhigo.
Xafiiska Shabakada Allbanaadir.com
Muqdisho-Somalia
Allbanaadir@live.com
