Madaxa Golaha Ciidamada ku meel-gaarka ah ee dalka Sudan ayaa shalay oo Talaado ah xafiiskiisa kula kulmay safiirka Jamhuuriyadda Federaalka ee Soomaaliya oo muddo xileedkiisa dhamaaday.
Safiirka Soomaaliya ee Suudaan C/risaaq Axmed Max’uud Shoole ay kaga mahad celiyey Madaxa Golaha Ciidamada, xukuumadda iyo shacbiga Suudaan, garab istaaggii iyo taageeradii walaalahooda dhabta ah ee Soomaaliya, sidoo kalana ay Soomaaliya taageero hiil iyo hooba la garab taagan tahay walaalahooda Suudaan.
Dhanka kale Safiirka Soomaaliya ayaa shacbiga Walaalaha ee Suudaan u rajeeyay midnimo ,wadajir iyo Xasillooni, Wuxuuna yiri “ qofka caaqilka ah waa kan ku tusaale qaata duruufaha dadka hareerihiisa la kulmaan” waxaana loo baahan yahay ayuu yiri in wax laga barto xaaladaha adag ee soo maray qaar ka mid ah dalalka deriska la ah Suudaan.
Danjire C/risaaq Axmed .Sh. Max’uud ayaa ugu danbayntii u mahadceliyay xukuumadda iyo shacbiga Suudaan gacansiintii wanaagsanayd uu ka helay muddo xileedkiisii danjirannimo, Shacbiga Suudaanna wuxuu u rajeeyay degenaansho iyo barwaaqo.
Xafiiska Shabakada Allbanaadir.com
Muqdisho-Somalia
Allbanaadir@live.com
