Ciidamada amaanka gaar ahaan booliiska ayaa howlgal xalay ay ka sameeyeen degmada Wadajir ee gobolka Banaadir waxa ay kusoo qabteen hub sharci daro ah iyo waxyaabaha maanka dooriya .
Ciidamada ayaa si gaar ah u beegsaday guri kuyaala degmada Wadajir ay xogtiisa hayeen, waxa ayna ciidamada gurigaasi kasoo qabteen labo qoray oo nuuca AK-47 , labo biskoolad iyo sidoo kale waxyaabaha maanka dooriya oo isugu jiray Khamri iyo xashiish.
Howlgalka ciidamada sameeyeen ayaa sidoo kale lagu soo qabtay dadkii lahaa hubka sharci darada ahaa iyo sidoo kale waxyaabaha maanka dooriya kuwaa oo hada xabsi ku jira baaritaanana lagu hayo.
Masuuliyiin katirsan maamulka gobolka Banaadir iyo saraakiil ciidan ayaa booqday goobta howlgalka laga sameeyay waxa ayna warbaahinta usoo bandhigeen hubkii iyo waxyaabihii maanka dooriya ee lasoo qabtay.
Xafiiska Shabakada Allbanaadir.com
Muqdisho Somalia
Allbanaadir@live.com
