Waxaa shalay xadka ay wadaagaan Kuuriyada Waqooyi iyo Kuuriyada Koonfureed kulan taariikhi ah ku yeeshay Madaxweynaha dalka Mareykanka Donald Trump iyo Hogaamiyaha Kuuriya Waqooyi Kim John-un.
Kulanka labada hogaamiye ayaa intii uu socday la sheegay in ay isku dhaceen Afhayeenka aqalka cad ee Mareykanka Stephanie Grisham iyo qaar kamid ah ilaalada gaarka ah ee Hogaamiyaha Kuuriyada Waqooyi.
Afhayeenka aqalka Cad ayaa la sheegay in xili ay dooneysay saxafiyiin Mareykan ah ay u gudbiso goob ay ku shirayeen Donlad Trump iyo Kim John Un in ay isku dhaceen ilaalada Kim John Un.
Muuqaal la duubay ayaa la arkayay Stephanie Grisham oo la hardameysa qaar lamid ah ilaalada Hogaamiyaha Kuuriyada Waqooyi, waxaana muuqaalka laga maqlayay Afhayeenka oo codsaneysa in la caawiyo.
Warbaahinta caalamka ayaa warbixino kala duwan ka qoray isku dhaca dhax maray Afhayeenka Aqalka Cad iyo ilaalada gaarka ah ee Kim John Un, waxaana muuqaalka dhacdadan laga duubay lagu baahiyay Warbaahinta iyo baraha bulshada.
Xafiiska Shabakada Allbanaadir.com
Muqdisho-Somalia
Allbanaadir@live.com
