Madaxweynaha JFS ayaa maanta Madaxtooyada ku qaabilay Wasiirka Maaliyadda Dowladda Federaalka Dimuqraadiga Itoobiya Axmed Shide oo booqasho ku jooga magaalada Muqdisho
Wasiirka ayaa Madaxweynaha soo gaarsiiyey dhambaal hambalyo iyo salaan ah uu uga siday Ra’iisul Wasaaraha dalkaas Dr. Abiy Axmed sida ay baahiyeen masuuliyiinta warfaafinta u qaabilsan Madaxtooyada Somalia
Madaxweyne Farmaajo ayaa u xaqiijiyay Wasiirka sida Dowladda Federaalka Soomaaliya ay uga go’antahay nabadgalyada, xasilloonida iyo horumarka dhaqaale ee guud ahaan Gobolka Geeska Afrika.
Faahfaahin dheeraad ah lagama bixin farriinta Ra’iisal Wasaaraha Itoobiya u soo diray madaxweyne Farmaajo oo imaaneysa xilli ay Itoobiya ku jirto xaalad adag kadib afgembigii dhicisoobay ee maamulka Amxaaradda iyo dilkii Taliyaha ciidamada Itoobiya iyo madaxweynaha Gobolka Amxaaradda.
Xafiiska Shabakada Allbanaadir.com
Muqdisho-Somalia
Allbanaadir@live.com
