Xisbiga haya talada dalka Itoobiya ee EPRDF ayaa siyaasiga Abiy Ahmed u doortay inuu noqdo guddoomiyaha xisbiga.
Talaabadan ayaa ka dhigan in maalmo ka dib uu noqon doono Raisal Wasaaraha xiga ee dowlada Itoobiya.
Abiy waa Muslim ka soo jeeda Qowmiyada Oromada oo ah tan ugu wayn dalka Itoobiya.
Waa nin dhalinyaro ah oo 41 sano jir ah, haysta shahaadada Phd, isagoo darajada Colonel ka gaaray ciidamada dalkaas, wuxuuna mar soo noqday Wasiirkii Sayniska iyo Teknolajiyadda ee dowlada Itoobiya.
Abiy Ahmed ayaa noqonaya raisul wasaarihii ugu horeeyey ee isagoo muslim ah xilkaas ka qabta dalka Itoobiya taariikhda casriga ah.
Demeke Mekonnen Hassan oo isna ka soo jeeda qowmiyada Amxaarada ayaa ku-xigeenkiisa loo doortay.
Maalmaha soo socda ayaa si rasmi ah loogu dhawaaqi doonaa Abiy Ahmed inuu noqdo raisul wasaaraha Itoobiya, isagoo bedelaya raisul wasaarihii hore ee dalkaas Haile Mariam Desigln oo dhowaan xilkaas iska casilay ka dib markii ay kordheen rabshadaha ka dhacayey dalkaas ee looga soo horjeeday siyaasadaha qaar ee dowlada.
Mekonnen isna waa Muslim ka soo jeeda Gobolka Wallo, Wuxuu horey u ahaa Raisal wasaare ku-xigeenka dalkaas.
Xafiiska Shabakada Allbanaadir.com
Muqdisho Somalia
Allbanaadir@live.com
