Kooxo ku hubaysnaa bastoolado ayaa goor dhow oo fiidnimadii caawa ah waxay xaafadda Maanabooliyo ee degmada Shibis ku toogteen Xildhibaanad ka tirsaneyd Baarlamaanka dowlad goboleedka Koonfur Galbeed Soomaaliya.
Xildhibaanad Ruqiyo Abshir Gabbane ayaa waxaa dilkeeda allbanaadir.com u xaqiijiyey Guddoomiyaha degmada Shibis oo gaaray goobta lagu qaarajiyey.
Dilka ayey wararku sheegayaan inuu ka dhacay farmashi ay ku laheyd hoygeeda oo ku yaalla degaanka Maanaboliyo, iyadoo kooxihii dilka geystay ay baxsadeen.
Ciidamada amaanka dowladda Soomaaliya ayaa gaaray Goobta wax yar ka dib dilka, waxayna haatan howlgalo baaritaano ah ka wadaan halkaas iyagoo isku dayaya iney soo qabtaan kooxihii ka dambeeyey dilka Xildhibaanadan.
Dowlad goboleedka Koonfur galbeed Somalia ayaan illaa hadda ka hadlin dilka xildhibaanada ka tirsaneyd baarlamanka Maamulkaas oo qeyb ka noqonaya dilal iyo qaraxyo todobaadyadan ku soo batay magaalada Muqdisho, kuwaasoo masuuliyadooda ay sheegatay kooxda Al-Shabaab oo dagaal kula jirta dowlada Somalia iyo ciidamada shisheeye ee taageeraya.
Xafiiska Shabakada Allbanaadir.com
Muqdisho Somalia
Allbanaadir@live.com
