Sida ay sheegayaan warar goor dhow naga soo gaaray magaalada Dhuusamareeb waxaa halkaas lagu xiray Wasiir ka tirsan Maamulka Galmudug.
Wasiirka Wasaaradda Tamarta iyo Kheyraadka dowlad Goboleedka Galmudug Axmed Shire Falage ayaa la sheegay iney xabbsiga dhigeen ciidamo Boolis ah oo magaaladaas ku sugan ka dib markii uu isku dayey inuu la baxsado gaari dhowaan dowlada Somalia ugu deeqday Wasaaradiisa.
Axmed Shire Falage ayaa isku dayey in isagoo wata gaarigaas uu sii raaco kolonyadii gelbineysay Madaxweynaha Galmudug Xaaf oo galabta isaga tagay magaalada Dhuusamareeb balse waxaa gacanta ku dhigay booliska Galmudug oo xabsiga dhigay sida laga soo xigay saraakiil halkaas ku sugan.
Xafiiska Shabakada Allbanaadir.com
Muqdisho-Somalia
Allbanaadir@live.com
