Warbaahinta dalka Kenya ayaa ku warameysa in qof qaba cudurka halista ah ee Ebola lagu arkay gobolka Kericho ee dalka Kenya, waxaana gobolkaasi laga dareemayaa xaalada cabsi ah oo la xariira cudurkan.
Saraakiisha Caafimaadka Gobolka Kericho, ayaa sheegay in Haweeney Kenyan ah oo looga shakisan yahay in cudurka Ebolka ku dhacay la dhigay xarun caafimaad oo lagu karantiilayo si cudurka uusan usii faafin.
Haweeneydan cudurka looga shakisan yahay ayaa katimid dalka Uganda uu ninkeeda ku nool yahay, waxaana dowlada Kenya heygan galisay Hay’adaha caafimaadka si looga hortago in cudurkan uu sii faafo.
Dalka Uganda ayaa dhawaan lagu arkay cudurka Ebola dadna ku dilay, waxaana jirta cabsi xoogan oo laga qabo in cudurkan uu kusii faafo deegaano hor leh uuna geesto dhibaatooyin xoogan.
Dowlada Soomaaliya ayaa sheegtay in Soomaaliya aysan ka jirin xilligaan walaac ku aaddan inuu ka dilaaco cudurka Ebola oo kiis ka mid ah laga helay dalalka Ugandha iyo Kenya oo ciidamo ka joogaan Soomaaliya.
Xafiiska Shabakada Allbanaadir.com
Muqdisho-Somalia
Allbanaadir@live.com
