Wasiirka Wasaaradda Warfaafinta Soomaaliya Maxamed Cabdi Xayir Maareye ayaa si kulul u canbaareeyay dadkii shacabka ahaa ee xalay sida arxan darada ahaa loogu laayay Koonfurta magaalada Gaalkacyo.
Wasiir Maareeye ayaa falka dadkaasi xalay lagu laayay ku tilmaamay mid aad looga argagaxo, waxa uuna ku baaqay in lasoo qabto dadkii falkaasi ka dambeeyay lana horgeeyo sharciga .
”Waxaan ugu baaqeynaa maamulka Galmudug in uu sharciga horkeeno dambiliyeyaasha dadka shacabka sida naxariis darada ah xalay ugu laayay magaalada Gaalkacyo” ayuu yiri Wasiir Maareeye.
Waxaa wali socda cambaareynta falkii xalay lagu laayay 8-qof oo kasoo jeeda Koonfur Galbeed Soomaaliya, waxaana horey falkan u cambaareeyay Masuuliyiin, Xildhibaan iyo Siyaasiyiin caan ah.
Xafiiska Shabakada Allbanaadir.com
Muqdisho-Somalia
Allbanaadir@live.com
