Waxaa goordhaw magaalada Muqdisho ka furmay Shir dib u heshiisiin ah oo loo qabanayo beelaha dagaalada soo noq noqda ku dhax maraan gobolka Shabeelaha Hoose, waxaana shirkan ka qeyb galaya Madax kala duwan.
Ra’isul Wasaaraha Xukuumada Soomaaliya , Gudoomiyaha Aqalka sare ,Wasiiro iyo Madaxweynaha Maamulka Koonfur Galbeed Soomaaliya ayaa ka qeyb galaya shirkan dib u heshiisiinta ah ay soo qaban qaabisay Wasaarada Arimaha Gudaha.
Shirkan ayaa lagu heshiisiinayaa beelaha dega gobolka Shabeelaha Hoose gaar ahaan kuwa uu dhax maro dagaalada soo noq noqday, waxaana shirka goob joog ka ah Waxgaradka Beelaha la heshiisiinayo.
Wasiirka Arimaha Gudaha oo shirkan ka hadlay ayaa sheegay in xiligan nasiib daro tahay in dalka uu ka dhaco dagaal qabiil ku saleysan, waxa uuna tilmaamay in dagaal aan lagu kala adkaaneyn balse dhibaato un laga dhax layo.
Dowlada Soomaaliya ayaa dooneysa in xal laga gaaro dagaalada kusoo noq noqday gobolka Shabeelaha Hoose, dagaaladan ayaana dib u dhac u keenay gobolka Shabeelaha Hoose gaar ahaan xarunta gobolkaasi ee magaalada Marka
Waxii Warar ah ee kusoo kordha shirkan kala soco Wararkaaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
