Rag bastoolado ku hubeysan ayaa caawa ku dilay Suuqa Bakaaraha ee Magaalada Muqdisho nin ka mid ahaa ganacsatada Suuqaas.
Marxuum Xuseen Kuulow Maxamed ayaa ka mid ahaa dadka ka ganacsada Xabadu sowdada, Malabka iyo waxyaabaha soo raaca, waxaana marxuumka lagu dilay isgoyska Bakaaraha caawa salaadii maqrib ka dib.
Ragga dilay marxuumka ayaa markiiba goobta ka baxsaday, ciidamada amaanka ayaana halkaas gaaray markii dambe inkastoo aysan ku guuleysan iney qabtaan nimanka wax dilay.
Lama oga illaa hadda sababta loo dilay marxuumkan iyadoo eheladiisu sheegeen iney ineysan ogeyn cida ka dambeysay dilkiisa, aysana jirin sabab ay tuhmayaan in loo beegsaday.
Dilalka iyo qaraxyada ayaa maalmahan ku soo batay magaalada Muqdisho, saacado ka hor ayeyna aheyd markii qaraxyo loo adeegsaday gaadiid miineysan ay ka dhaceen duleedka Muqdisho kuwaasoo ay ku dhinteen ku dhowaad 10 ruux oo u badnaa dad shacab ah.
Xafiiska Shabakada Allbanaadir.com
Muqdisho Somalia
Allbanaadir@live.com
