Ciidamada Booliska degmada Cabdicasiis ee gobolka Banaadir ayaa galabta aasay hilib qurmay oo ay ku qabteen gaari nooca Soomaalida u taqaano DYNA iyo Mooto Bajaaj.
Hilibkaas ayaa shaqsiyaadkii watey oo gaarayay 14 waxay sheegeen inuu ka halaabay ciidamada AMISOM, isla markaana ay iyagu doonayeen inay ku iibiyaan degmada Xamarweyne ee Gobolka Banaadir.
Shaki badan ayaa markii hore laga muujiyey waxa uu ahaa hilibkaas, hase ahaatee Waaxda fayo dhowrka ee Maamulka gobolka Banaadir oo baaritaan ku sameysay hilibkaas ayaa xaqiijisay inuu ka koobnaa hilibka xoolaha sida lo’da, ariga iyo digaaga.
Raggii watay ayaa la sheegay iney weli ku xiran yihiin saldhiga Booliska degmada C/casiis, iyadoo Saraakiisha Boolisku sheegeen iney Maxkamad soo taagi doonaan.
Xafiiska Shabakada Allbanaadir.com
Muqdisho Somalia
Allbanaadir@live.com
