Guddoomiyihii Gobolka Mudug ee uu xilka ka qaaday Madaxweynaha dowlad Goboleedka Galmudug Axmed Ducaale Geelle Xaaf ayaa ka hor yimid xilka qaadistii lagu sameeyay.
Cabdirashiid Xaashi Cartan oo shir Jaraa’id ku qabtay ayaa sheegay in Wareegtadii xilka looga qaaday aysan waxba ka jirin, isla markaana uusan u hogaansami doonin.
Waxaa uu sheegay Cabdirashiid Cartan inuu isagu weli yahay Guddoomiyaha gobolka Mudug ee maamulka Galmudug lagana taageersan yahay halkaasi, wuxuuna xusay in dowladda Federaalka Soomaaliya oo aysan isku fiicneyn Xaaf laga taageersan yahay Gobolka Mudug.
Madaxweynaha Galmudug Axmed Ducaale Geelle Xaaf ayuu ugu baaqay inuu u diyaar garoobo doorasho bisha soo socota ee July, wuxuuna tilmaamay in Galmudug xiriirka ay u jartay dowladda Soomaaliya uu ku kooban yahay oo kaliya Madaxweyne Xaaf oo sidoo kale uu ku eedeeyey inuu danahiisa gaarka ah oo kaliya eeganayo.
Axmed Ducaale Geelle Xaaf Madaxweynaha Maamulka Galmudug ayaa xilka ka qaaday Guddoomiyihii Gobolka Mudug ee maamulkiisa Cabdirashiid Xaashi Cartan, isagoo u magacaabay xilkaas Cabdiraxmaan Cali Diiriye.
Xafiiska Shabakada Allbanaadir.com
Muqdisho-Somalia
Allbanaadir@live.com
