Saraakiil ka tirsan Ciidanka Booliska Somalia ayaa warbaahinta u sheegay in askari ka tirsan Ciidankaas oo ilaalo ka hayay Kontrol ku yaala nawaaxiga Isgoyska Dabka ee magaalada Muqdisho uu toogtay Sarkaal ka tirsanaa taliska dembi baarista ee CID-da.
C/Wahaab Aadan ayaa ahaa madaxa baarista dambiyada ee Saldhigga degmada Waaberi, waxaana xilliga la tooganayay uu watay gaari yar oo nooca raaxada ah.
Dilka ayaa dhacay ka dib markii sarkaalkan uu nawaaxiga Isbitaalka Daaru Shifa ka soo xiray Saddex askari iyo gaari ay wateen, kuwaasoo loo heysto rasaas xalay laga maqlay aagga wadada Maka Al-Mukarama.
Ciidanka Booliska ayaa wada howlgalo lagu baadi goobayo askarigii dilka geystay oo la sheegay inuu ka baxsaday goobtii uu wax ku dilay, lamana oga sababta uu u dilay sarkaalkan iyo ujeedada ka dambeysa.
Xafiiska Shabakada Allbanaadir.com
Muqdisho-Somalia
Allbanaadir@live.com
