Dowlada Qadar ayaa soo bandhigtay diyaarado dagaal casri ah oo ay kasoo iibsatay dowlada Faransiiska, waxaana diyaaradahan casriga ah dhawaan la geeyay dalka Qadar si loogu qalabeeyo ciidankeeda cirka.
Diyaaradahan dagaalka ee Qadar soo iibsatay ayaa waxaa farsameesay dowlada Faransiiska, waxaana diyaaradahan oo lagu magacaabo Rafale lagu soo bandhigay munaasabad ka dhacday magaalada Doha.
Munaasabada lagu soo bandhigayay diyaaradaha casriga ah waxaa kasoo qeyb galay Amiirka dalka Qatar Sheikh Tamim bin Hamad al Thani , Wasiirka Gaashaandhigga dalka Qadar iyo masuuliyiin kale.
Diyaaradahan dagaal ee dowlada Qadar soo bandhigtay ayaa gaarayay ilaa 5-diyaarad oo casri ah, waxaana dowlada Faransiiska dalkeeda tababar kusoo siisay duuliyaasha diyaaradahan oo katirsan ciidamada Cirka ee dalka Qadar.
Xafiiska Shabakada Allbanaadir.com
Muqdisho-Somalia
Allbanaadir@live.com
