Ciidamada booliiska dalka Faransiiska ayaa dilay nin hubeesan oo afduub iyo dil geestay, ninkan ayaana la sheegay in uu katirsanaa kooxda isku magacowday Khilaafada Islaamka ee Daacish.
Ninkan oo magaciisa lagu sheegay Redouane Lakdim, ayaa gaari afduubtay waxa uuna dad ku qabsaday Super Market kuyaala magaalada Trèbes, ninkan ayaana la sheegay in sadex qof toogasho ku dilay tiro kalana ku dhaawacay.
Warbaahinta dalka Faransiioska ayaa sheegay in ninkan oo dad afduubtay lahor inta aan la dilin uu dalbanayay in lasii daayo Salah Abdeslam oo lagu eedeeyay in uu ka dambeeyay weerar dad ka badan 100-qof lagu dilay oo dalka Faransa ka dhacay sanadkii 2015-kii.
Dacwad-ooge Faransiis ah ayaa sheegay in ninkan la dilay uu sheegtay inuu ka tirsan yahay Kooxda isku magacawday Dowladda Islaamka, ninkan ayaana la sheegay in uu si weyn u hubeesnaa.
Xafiiska Shabakada Allbanaadir.com
Muqdisho Somalia
Allbanaadir@live.com
