Madaxweynaha dowlada federaalka Somalia Maxamed C/llaahi Farmaajo ayaa ka qeyb galay magaalada Makka ee dalka sacuudiga shirkii degdeg ah ee ay yeesheen dalalka Jaamacadda Carabta.
Farmaajo ayaa kulamo gaar gaar ah la qaatay madax dalalka carabta qaarkood, waxaana ka mid ahaa Madaxa Golaha Milatariga Kumeel Gaarka ah ee Suudaan Sarreeye Guud Cabdulfataax al-Burhan, Ra’iisul Wasaaraha Qadar Sheekh Cabdullaahi Bin Naasir Bin Khaliifa Al Thani iyo madax kale.
Kulamadan ayaa looga hadlay xoojinta xiriirka walaaltinimo iyo wax wada qabsi ee ka dhexeeya dowlada Somalia iyo dowladahaas, iyadoo kulamadaas ay ku dhamaadeen jawi is afgarad leh sida ay sheegeen masuuliyiinta warfaafinta u qaabilsan Madaxtooyada Somalia ee la socda wafdiga Madaxweynaha.
Xafiiska Shabakada Allbanaadir.com
Muqdisho-Somalia
Allbanaadir@live.com
