Shirkadda Digitallife Ltd oo ah shirkad maxali ah ayaa magaalooyin badan oo ka tirsan dalka ka hirgelisay adeeg cusub oo taksi ah, kaasoo la magac baxay GEEYE.
Masuuliyiinta shirkadan ayaa sheegay in adeegan uu leeyahay Application casri ah oo aad kala soo degi karto google Play kaasoo kuu suuragelinaya inaad si fudud u dalbato adeega GEEYE.
“Adeegan Geeye, waa adeeg cusub, oo raaxo badan oo ay soo kordhisay shirkadda Digitallife Ltd, waa Taxi, farsamo yaqaan iyo rarista alaabada ah oo hal app uu macmiilku ka wada dalban karo. Waa mid ku saleeysan Mobile iyo Web Application kaasoo kuu imaanaya goor walba, goob walba oo aad joogto” ayuu yiri masuul ka tirsan Shirkadda.
Sidoo kale, masuuliyiinta shirkada ayaa sheegay in adeegan laga heli karo magaalada Muqdisho iyo magaalooyinka kale ee dalka uuna yahay mid shaqeynaya 24-ka saac
Xafiiska Shabakada Allbanaadir.com
Muqdisho-Somalia
Allbanaadir@live.com
