Dowladda Soomaaliya ayaa sheegtay inay Ethiopia kala hadashay sawirka khariidaddii ay Wasaaraddooda arrimaha dibaddu soo daabacday ee markii danbe ay ka saartay website-kooda.
Sawirkan ayaa muujinayey Soomaaliya oo laga saaray khariidadda laguna daray dalka Itoobiya.
Wasiirka Arrimaha dibedda Somalia Ambassador Ahmed Ciise Cawad, ayaa sheegay in isla markii ay ka war heleen khariidadda la soo daabacay ay xiriir la sameeyeen Ethiopia, xiriirkaasi kaddibna Ethiopia ay ka saartay sawirka khariiradda website-kooda.
Wasiirka ayaa sheegay in wasaaradda Arrimaha dibedda Ethiopia ay cudurdaar ka siisay Soomaalia khaladka, sidoo kalena ay wadaan baaritaan la xiriira sababta ay arrintaas ku dhacday.
Wasiir Cawad ayaa sheegay inay aqbaleen cudur daarka Ethiopia ay arrintaas ka bixisay oo ay aaminsan yihiin in falkaasi aanu ula kac ahayn, iyadoo arrintan oo Soomaali badan ay ka caroodeen ay dood culus ka dhalisay baraha bulshada.
Xafiiska Shabakada Allbanaadir.com
Muqdisho-Somalia
Allbanaadir@live.com
