Ciidamada booliiska ayaa howlgal gaar ah ay ka sameeyeen degmada Kaxda ee gobolka Banaadir ayaa la sheegay in ay kusoo qabteen labo nin oo la sheegay in ay u shaqeenayeen Idaacada afka Al Shabaab ku hadasha ee Andulus.
Gudoomiyaha gobolka Banaadir ahna Duqa Muqdisho Cabdiraxmaan Cumar Cusmaan (C/raxmaan Yariisow) ayaa sheegay in ciidamada booliiska Masjid kuyaala degmada Kaxda kasoo qabteen labo nin oo u shaqeenayay Idaacada Andulus.
Waxa uu sheegay Duqa Muqdisho in warbixino shacabka soo gudbiyeen lagu soo qabtay labadan nin uu sheegay in ay katirsanaayeen Idaacada Andulus ayna dhax jiifan jireen Masjid kuyaala degmada Kaxda.
“Waxaan ku faraxsanahay warbixino ay shacabka soo gudbiyeen oo lagu howlgalay in lagu soo qabtay nabad-diid farabadan oo shacabka wax yeelo u geysan lahaa. Labo dhagarqabe oo masaajid Kaxda jiifanayey oo Idaacada Andaluus u shaqeynayey la soo qabtay”. ayuu yiri Duqa Muqdisho.
Gudoomiyaha gobolka Banaadir sooma bandhigin magacyada iyo waxa ay u qaabilsanaayeen ragan uu sheegay in ay u shaqeenayeen Idaacada Andulus, waxaana wararka aan helnay sheegayaan in ragan xiran ay ku socdaan baaritaano.
