Gabar oo Falastiiniyad ah oo la xiray markii ay dhirbaaxday askari Israa’iili ah ayaa dambi lagu helay, arrintaasoo ku mutaysan doonto 8 bilood oo xabsi ah.
Xukunkeedu wuxuu ahaa mid ay albaabadu u xirnaayeen wuxuuna ka dhacay maxkadda milatariga ee Ofer oo ku taalla Daanta Galbeed ee la haysto.
Ahed Tamimi ayaa qiratay afar dacwo oo ka mid ah 12 dacwadood oo ay wajahaysay kuwaasoo uu ka mid ah ahaa inay weerar qaaday.
Waxay sidoo kale bixin doontaa 1,440 doolar oo ganaax ah, waxaa kale oo ay aqbashay in ay sideed bilood oo dheeri ah xabsi gali doonto haddii ay dambi kale gasho.
Gabadhan 17 jirka ah ayaa la xiray ka dib markii muuqaal laga duubay iyadoo ka hortagaysa labo askari oo gurigeeda hortiisa jooga bishii Disembar ee sanadkii hore.
Amarka maxkamadda ayaa ka dhigan in la sii dayn doono xagaagan sababtuna ay tahay in laga jari doono wakhtiga ay hadda xabsiga ku sii jirtay.
Dadka Falastiiniyiinta ah waxay Ahed Tamimi u arkaan inay astaan u tahay diidmada la diidan yahay Haysashada Israa’iil.
Laakiin dad badan oo Israaliyiin ah waxay u arkaan ruux rabshoole ah oo caannimo raadinaya.
Xafiiska Shabakada Allbanaadir.com
Muqdisho Somalia
Allbanaadir@live.com
