Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa magaalada Muqdisho kula kulmay Safiirka dowlada Britain u fadhiya Soomaaliya Danjire Benjamin James Fender.
Kulanka ay yeesheen labada masuul ayaa looga hadlay sidii loo xoojin lahaa xiriirka laba geesoodka ee labada dal ee saaxiibada u dhexeeya iyo qaabkii lagu horumarin lahaa iskaashi dhinac kastaba leh.
Kulanka ayaa diiradda lagu saarray iskaashiga dhinacyada ammaanka, milatariga, maalgeshiga iyo kobcinta dhaqaalaha iyo taageeridda dadaalka weyn ee Xukuumadda Federaalka ee ka tarjumaya rabitaanka dadka ee ah ka guul keenidda xasilinta dalka si loo gaaro horumar iyo barwaaqo.
Dowlada Britain ayaa kamid ah dowladaha sida weyn u taageera dowlada federaalka Soomaaliya, waxaana labada dal ka dhaxeeya xiriir dheer oo soo jireen iyo iskaashi dhinacyo kala duwan leh.
Xafiiska Shabakada Allbanaadir.com
Muqdisho-Somalia
Allbanaadir@live.com
