Waxaa goordhaw iska hor imaad aad u xoogan oo u dhaxeeyay Ciidamo katirsan Xasilinta iyo Ciidamada uu tababaray Imaaraadka ka dhacay meel ku dhaw Isgooska Tarabuunka ee magaalada Muqdisho .
Iska hor imaadka ayaa waxaa ka qeyb qaadanayay gaadiidka dagaalka ee loo yaqaan Tiknikada , waxaana la is weedaarsanayay hub culus, waxaana wali aagaasi laga maqlayaa rasaas goos goos ah.
Goob joogayaal ku sugan Tarabuunka ayaa sheegay in ay arkayaan ciidamo ku labisan dareeska u gaarka ah ciidanka Imaaraaka iyo kuwa xasilinta oo rasaas isku weedaarsanaya Isgooska Tarabuunka
Waxaa mar qura lagu kala cararay isgooska Tarbuunka oo aheyd goob mashquul badan, waxaana wali adag in dadku kusoo laabtay Tarabuunka maadaama wali isku muuqdaan ciidamadii dagaalamay.
Khasaaro isugu jira dhimasho iyo dhaawac ayaa ka dhashay iska hor imaadka goordhaw ka dhacay Isgooska Tarabuunka, wali si rasmi ah looma oga khasaaraha shacabka kasoo gaaray rasaasta la is weedaarsaday
Iska hor imaadka ka dhacay Isgooska Tarabuunka ayaa socday dhoor daqiiqo waxaana rasaasta la is weedaarsanayay si weyn looga maqlayay qeybo kamid ah magaalada Muqdisho.
Waxii Warar ah ee kusoo kordha kala soco Wararkayaga Dambe Insga Allh
Xafiiska Shabakada Allbanaadir.com
Muqdisho Somalia
Allbanaadir@live.com
