Amiirka dalka Qatar ayaa Safiir u soo magacaabay Soomaaliya, kaasoo dalkaasi uga wakiil noqon doona Soomaaliya.
Wareegto maanta kasoo baxday Amiirka dalka Qatar Tamiim Bin Xamad Al-thani ayaa loogu magacaabay Xasan Xamza Asad Haashim inuu noqdo safiir aan caadi ahayn oo dalka Qatar u qaabilsanaan doona Jamhuuriyadda Federaalka Soomaaliya.
Qaraarkan ayaa dhaqan galay maanta oo la soo saaray, wuxuuna ku soo beegmayaa iyadoo dhowaan la filayo inuu Madaxweynaha Soomaaliya safar rasmi ah ku tago dalka Qatar.
Qatar ayaa ka mida dalalka Khaliijka ee ku loolamaya xaaladda Soomaaliya, waxaana dhowaan xumaaday xiriirka Imaaraadka iyo dowladda Soomaaliya, kadib markii shirkadda DP World ay heshiiska dekadda Berbera ka soo horjeesatay.
Safiirka aan caadiga ahayn (Ambassador Extraordinary) ayaa ah mid awood badan oo xaq u leh inuu heshiisyo ku geli karo magaca dowladda uu metelayo, wuxuuna awood ahaan ka sareeyaa safiirada caadiga ah ee dalalkooda u fadhiya dowlaha kale.
Ma jirin wax safiir ah oo dowlada Qatar ka joogay Soomaaliya, marka laga reebo diblomaasi arrimo fuliye ah oo u joogay Muqdisho sanadahan
Xafiiska Shabakada Allbanaadir.com
Muqdisho Somalia
Allbanaadir@live.com
