Dab Khasaaro xoogan dhaliyay ayaa xalay saqdii dhaxe qabsaday guri kuyaala Degmada Yaqshiid ee gobolka Banaadir, waxaana dabkan ku dhintay xubno isku qoys ahaa.
Sida aan Wararka ku helnay dabkan ayaa guriga ka kacay xili saqde dhaxe ah oo la hurdayay, waxaana qoyska gurigooda dabku qabsaday ku adkaatay in ah helaan gurmad deg deeg ah.
Inta la xaqiijiyay dabkan waxaa ku dhintay 7-qof oo isugu jiray hooyo, shan caruur ah ay dhashay iyo qof marti u ahaa, waxaana dabkan ka bad baaday kaliya aabaha dhalay qoyska oo isagu naftiisa dhaawac uu soo gaaray.
Dadka dariska ah ayaa u gurmaday qoyskan musiibadu qabsatay inkastoo ay ku guul dareesteen bad baadinta dadkii guriga ku jiray, waxaana markii dambe guriga gaaray gaadiidka dab damiska gobolka oo damiyay dabka.
Wali lama oga waxa sababay dabkan xalay khasaaraha xoogan dhaliyay ee qabsaday guri kuyaala degmada Yaqshiid, waxaan dhacdadan aad uga murugeesan dadka kunool xaafada uu dhibku ka dhacay.
Xafiiska Shabakada Allbanaadir.com
Muqdisho Somalia
Allbanaadir@live.com
