Kooxo biskoolado ku hubeesan ayaa maanta Xaafada Taleex ee Degmada Hodan waxa ay ku dileen nin Nabadoon ahaa , waxaana goobta dilka ka dhacay ka baxsaday dableydii hubeysneyd.
Nabadoonka la dilay ayaa lagu Magacaabi jiray Axmed Cabdulle Jimcaale, waxa uuna kamid ahaa Nabadoonada caanka ah ee kasoo jeeda gobolka Hiiraan, lamana oga sababta loo dilay iyo walib cida dilkiisa ka dambeysay.
Ciidamo katirsan booliiska iyo Nabad sugida ayaa tagay halka uu dilku ka dhacay oo ku dhaweyd guriga uu degaa Nabadoonka, waxa ayna ciidamada halkaasi ka sameeyeen baaritaano aan la shaacin natiijada kasoo baxday.
Magaalada Muqdisho ayaa marar badan lagu dilay nabadoono caan ahaa, Nabadoonada la dilay qaarkood waxaa masuuliyada dilkooda ka sheegtay kooxda Al Shabaab ee dagaalka kula jirta dowlada Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
