Magaalada Garoowe ee Xarunta Gobolka Nugaal waxaa maanta ka furmaya shir wadatashi ah oo ay ka qeyb galayaan Madaxda ugu sareysa Dowladda Soomaaliya iyo kuwa dowlad Goboleedyada
Madaxweynaha Soomaaliya Maxamed Cabdullaahi Farmaajo, Ra’iisul Wasaare Xasan Cali kheyre iyo Madaxda Dowlad goboleedyada, Hir-Shabeelle, Koonfur Galbeed, Galmudug, Jubbaland & Puntland oo marti loo yahay iyo guddoomiyaha Gobolka Banaadir ayaa Garoowe ku wada sugan.
Ka sokow in shirkan looga hadli doono xalinta khilaafaadka ka dhex jira dowlada iyo madaxda dowlad goboleedyada qaarkood qodobada kale ee shirka lagu falanqeynayo waxaa ka mid ah:-
1-Cida xaqa u leh inay jaangooyso nooca doorasho ee dalka ka dhaceysa.
2-Sidii Heshiis laga gaari lahaa qodobka 51aad ee dastuurka oo cadeynaya heerarka Iskaashi ee dhexmara Dowladda dhexe iyo Dowlad goboleedyada.
3-Shirka waxa sidoo kale looga hadlayaa arrimo la xiriira dhinaca abaaraha ka jira qeybo ka mid ah dalka.
4-Qeybsiga Kheyraadka dalka, iyada oo shuruucda ay gacanta ku heyso Xukuumadda Soomaaliya.
Shirka oo socon doona muddo dhowr maalmood ah ayaa waxaa la filayaa in gebagediisa laga soo saaro War-murtiyeed ku saabsan waxyaabaha lagu heshiiyey.
Xafiiska Shabakada Allbanaadir.com
Muqdisho-Somalia
Allbanaadir@live.com
