Maqaayad kutaala dalka Vietnam ayaa xeendaab gaar ah u sameysay miis uu raashin ku cunay Madaxweynihii hore ee dalka Mareykanka Brack Obama xili uu booqasho ku joogay dalka Vietnam .
Miiskii uu raashinka ku cunay iyo weelashii raashinka iyo cabitaanka loogu keenay Brack Obama ayaa inta dhalo la galiyay waxaa la dhigay qeyb kamid ah Maqaayada si loogu soo daawasho tago, waxaana kor looga dhajiyay sawir xiligaas Obama laga qaaday.
Brack Obama ayaa tagay maqaayadn oo kutaala magaalada Hano ee dalka Vietnam ,waxa uuna miis katirsan maqaayadaasi raashin kula cunay Anthony Bourdain caan ku ah cunto karinta Barnaamijyo cunta karin ahna Telefishino kasii daaya.
Raashinka uu maqaayadan ka cunay Madaxweynihii hore ee dalka Mareykanka Brack Obama ayaa lagu qiimeeyay 6-Dollar oo kaliya, waxa ayna maqaayadan hada macaamiil ku heshay in uu raashin ka cunay Madaxweyne Dunida caan ka ahaa.
Mid kamid ah Milkiilayaasha maqaayadan iska leh oo lagu magacaabo Thi Hang Nga ayaa sheegay in macaamiisha maqaayada timaada ay usoo daawasho tagaan Miiska uu raashinka ku cdunay Obama ayna isaga qaadaan sawirro.
Xafiiska Shabakada Allbanaadir.com
Muqdisho Somalia
Allbanaadir@live.com
