Dayuurad laga leeyahay Wadanka Turkiga ayaa la soo sheegayaa iney ku burburtay dhinaca Koonfur galbeed ee wadanka Iran sida ay sheegayaan warar goor dhow soo baxay.
Wararka ayaa intaa ku daraya in dayuuradan oo nooceeda ah iyo shirkadda iska laheydba aan weli la shaacin ay ka soo duushay Magaalada Sharjah ee dalka Imaaraatka Carabta iyadoo ku sii jeeday Magaalada Istanbul.
Afhayeen u hadlay dowlada Iran ayaa sheegay in dayuuradaas ay ku dhacay dhul buuraley ah oo ku yaalla Koonfur galbeed dalka Iran ka dib markii uu dab qabsaday.
Ugu yaraan 11 qof oo la socday dayuuradan ayaa la aaminsan yahay dhamaantood inay ku naf waayeen shilkan, kuwaasoo isugu jiray shaqaale iyo dad kale oo la socday.
Wixii ka soo kordha shilkan dayuuradeed kala soco wararkeena ugu horeeya insha ALLAAH.
Xafiiska Shabakada Allbanaadir.com
Muqdisho Somalia
Allbanaadir@live.com
