Waxaa maanta xarunta Dugsiga Tababarka Jen. Kaahiye ee magaalada Muqdisho lagu dhaariyay Sadex Xildhibaan oo kamid noqonaya Aqalka hoose ee Baarlamaanka Federaalka Soomaaliya.
Sadexdan Xildhibaan ee maanta la dhaariyay ayaa siyaabo kala duwan loogu soo doortay magaalooyinka Jowhar , Kismaayo iyo Muqdisho, waxa ayna Xildhibaanadan badaleen Xildhibaano horey u geeriyooday iyo Xildhibaan kale oo booskiisa waayay.
Xildhibaanada ayaa maanta lagu dhaariyay Munaasabada furitaanmka kalfadhiga 3-aad ee Baarlamaanka Soomaaliya, waxaana dhaariyay Xildhibaanadan Gudoomiyaha Maxkamada sare ee dalka.
Mudanayaasha maanta loo dhaariyay in ay kamid noqdaan Aqalka hoose ee Baaralmaanka ayaa kala ahaa ,Xildhibaan Fatxi Siciid Xasan, Xildhibaan Maxamuud Cabdullahi Sh. Siraaji iyo Xildhibaan Nuur Iidow Beyle.
Xafiiska Shabakada Allbanaadir.com
Muqdisho Somalia
Allbanaadir@live.com
