Waxaa daqiiqado yar kahor qarax xoogan oo laga maqlay qeybo badan oo magaalada kamid ah uu ka dhacay isgooska dabka ee magaalada Muqdisho, waxaana qaraxan lasoo sheegayaa in uu ka dhashay khasaaro isugu jira dhimasho iyo dhaawac.
Sida aan wararka ku helnay Qaraxa ayaa ka dhacay Isooska dabka gaar ahaan afaafka hore ee Maqaayada Barwaaqo, waxaana wararka aan heleyno sheegayaan in qaraxa uu ka dhashay gaari waxyaabaha qarxa laga soo buuxiyay.
Goobta uu qaraxu ka dhacay ayaa la sheegay in xiligaasi mashquul badan uu ka jiray, waxaana halkaasi marayay gaadiid kala duwan iyo mooto bajaaj , waxaa sidoo kale kuyaalay goobo ganacsi.
Gaadiidka gurmadka dega dega ayaa gaaray goobta uu qaraxu ka dhacay halkaas oo ay ka qaadayaan dadkii ay waxyeeladu soo gaartay, waxaa sidoo kale ciidamada amaanka ay xireen wadooyinka soo gala goobta uu qaraxu ka dhacay.
Waxii warar ah ee kusoo kordha kala soco wararkayaga dambe Insha Allah
Xafiiska Shabakada Allbanaadir.com
Muqdisho-Somalia
Allbanaadir@live.com
